საქართველოს ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნულმა სააგენტომ პირობიან ელექტრონულ აუქციონზე რეკრეაციული, საკურორტო კომპლექსი – სს „კურორტი ახტალა“ 3 760 000 ლარად გაყიდა. კურორტი შპს  „გლობალ ვიქთორი ჯეორჯიამ“ შეიძინა.

საპრივატიზებო პირობის მიხედვით მყიდველმა უნდა უზრუნველყოს სულ მცირე 12 000 000 ლარის ინვესტიცია და 120 ნომრის მქონე სასტუმრო კომპლექსის მოწყობა, რომელიც უნდა მოიცავდეს ღია და დახურული ტიპის საცურაო აუზებს, რესტორნებს, სარეაბილიტაციო და გამაჯანსაღებელ ცენტრს, ასევე, სულ მცირე 50 ავტომობილზე გათვლის ავტოსადგომს. ამავე დროს, მყიდველმა სასტუმრო– კომპლექსში უნდა უზრუნველყოს სულ მცირე 50 ადამიანის დასაქმება და კურორტზე დასაქმებულთა 80%–თან, მათივე თანხმობის შემთხვევაში, შრომითი ურთიერთობის შენარჩუნება. 

ტურისტული ინფრასტრუქტურის განვითარების მიზნით პროექტი „50 ქონება შენი სასტუმროსთვის“ ფარგლებში ეს უკვე რიგით მეოცე გაყიდული ობიექტია.  შეგახსენებთ, რომ აღნიშნული პროექტის ფარგლებში ჯამში გაყიდულია 57  მილიონ ლარზე მეტი ღირებულების უძრავი ქონება, ხოლო სასტუმროების ასაშენებლად განსახორციელებელი ინვესტიციის მოცულობა 121 მილიონზე მეტს შეადგენს.

ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნული სააგენტოს თავმჯდომარის ეკატერინე სისაურის ხელმძღვანელობით  სააგენტოს პრივატიზებისა და საწარმოთა მართვის სამსახურის თანამშრომლები მორიგი სამუშაო ვიზიტით  გერმანიაში, ქალაქ ბერლინში იმყოფებიან. ვიზიტის მთავარ მიზანს წარმოადგენს სახელმწიფოს წილობრივი მონაწილეობით მოქმედი საწარმოების პრივატიზებასა და მართვასთან დაკავშირებული გამოცდილების მხარეებს შორის გაზიარება.

სააგენტოს დელეგაციას უმასპინძლებს გერმანიის ფედერაციული რესპუბლიკის ფინანსთა სამინისტროს VIII დივიზიონის ხელმძღვანელი ქ-ნი პეტრა ვონ ვიკი, აღნიშნული ქვედანაყოფი პასუხისმგებელია სახელმწიფო ქონების მართვასა და განკარგვაზე გერმანიის რესპუბლიკაში. ვიზიტის ფარგლებში ასევე იგეგმება შეხვედრები სხვადასხვა უწყებების წარმომადგენლებთან პრაქტიკული გამოცდილების გაზიარების კუთხით.

დმანისის მუნიციპალიტეტში, სოფელ სარკინეთში „შვეიცარიული აგრარული სკოლა კავკასია“,  შვეიცარული პროფესიული განათლების მოდელის მიხედვით  10 მოსწავლეზე გათვლილ კოლეჯსა და კამპუსს ააშენებს და 350 000 ლარის ინვესტიციას განახორციელებს.

კოლეჯის ძირითად მიმართულებას წარმოადგენს 16–დან 20 წლამდე სტუდენტებისთვის განათლების მიცემა  მეცხოველეობისა და რძის გადამუშავების მიმართულებით, რომელიც დაფუძნებული იქნება დუალური სწავლების პრინციპებზე.  ამასთან, ფერმერებსა და დაინტერესებულ პირებს შესაძლებლობა ექნებათ გაიარონ კვალიფიკაციის ასამაღლებელი მოკლევადიანი კურსები.  სტუდენტებს საშუალება ექნებათ ცოდნა მიიღონ მეცხოველეობაში, კვების მენეჯმენტში, რძის გადამუშავებასა და ყველის წარმოებაში.  პროექტის მიხედვით სოფელ სარკინეთში ასევე მოეწყობა ფერმა და აგრო-ტექნიკის ფარეხი.

საქართველოს ეკონომიკისა და მდგრადი განვითარების სამინისტროს სსიპ – სახელმწიფო ქონების ეროვნულმა სააგენტომ შპს „საზოგადოებრივი კოლეჯი „შვეიცარიული აგრარული სკოლა კავკასიას“ დმანისის მუნიციპალიტეტში, სოფელ სარკინეთში მდებარე უძრავი ქონება გადასცა.

საქართველოს ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნულმა სააგენტომ პროექტი „50 ქონება შენი სასტუმროსათვის“ ფარგლებში პირობიან ელექტრონულ აუქციონზე ქალაქ თბილისში, აეროპორტში  მდებარე 12 653  კვ.მ –  1 851 000 ლარად გაყიდა.

საპრივატიზებო პირობის მიხედვით, შპს „ფუჯინ სილქ ფროფერთი“ აღნიშნულ უძრავ ქონებაზე სულ მცირე 120 ნომრის მქონე თანამედროვე სტანდარტებისა და ინფრასტრუქტურის მქონე სასტუმროს ააშენებს.

ტურისტული ინფრასტრუქტურის განვითარების მიზნით პროექტი „50 ქონება შენი სასტუმროსთვის“ ფარგლებში ეს უკვე რიგით მეცხრამეტე გაყიდული ობიექტია.  შეგახსენებთ, რომ აღნიშნული პროექტის ფარგლებში ჯამში გაყიდულია 53 მილიონ ლარზე მეტი ღირებულების უძრავი ქონება, ხოლო სასტუმროების ასაშენებლად განსახორციელებელი ინვესტიციის მოცულობა 107 მილიონზე მეტს შეადგენს.

სახელმწიფო პროგრამა „აწარმოე საქართველოში“ ფარგლებში თელავის მუნიციპალიტეტში წვენებისა და დამატკბობლების მწარმოებელი ქარხნის მშენებლობა იგეგმება. საწარმოს ასაშენებლად და საქმიანობის დასაწყებად 399 840 ლარის ინვესტიცია განხორციელდება. ახალი საწარმო 100%–ით ნატურალური ყურძნისგან დამზადებულ წვენებს აწარმოებს. ნედლეულის ჩაბარება კახეთიდან, კერძოდ მიმდებარე სოფლებში მცხოვრები მოსახლეობიდან მოხდება, რაც ხელს შეუწყობს მოსახლეობისათვის მუდმივი შემოსავლის გაჩენას რთველის პერიოდში. საწარმო ყურძნის წვენის გარდა სხვადასხვა ხილისა და ბოსტნეულის წვენებსაც აწარმოებს, რომელთა წლიური მოცულობა 200 ტონას შეადგენს.

 საქართველოს ეკონომიკისა და მდგრადი განვითარების სამინისტროს სსიპ – სახელმწიფო ქონების ეროვნულმა სააგენტომ სახელმწიფო პროგრამა „აწარმოე საქართველოში“ ფარგლებში  სახელმწიფოს საკუთრებაში არსებული, თელავში, სადგურის ქუჩაზე მდებარე 7 662 კვ.მ. არასასოფლო-სამეურნეო დანიშნულების მიწის ნაკვეთი და შენობა–ნაგებობა შპს „ნატვიტს“ გადასცა.

შეგახსენებთ, რომ „აწარმოე საქართველოში“ პროექტის ფარგლებში, 2014 წლიდან დღემდე მხარდაჭერილია 356 პროექტი,  რომელთა ჯამური ინვესტიციის მოცულობა 870 მლნ ლარზე მეტია. აღნიშნული პროექტებით ჯამში  14 000- ზე მეტი ახალი სამუშაო ადგილი შეიქმნება.

სამთავრობო პროგრამა „აწარმოე საქართველოში“ დახმარებით შპს „ნუგბარი“ სიღნაღის მუნიციპალიტეტში, სოფელ საქობოში ყურძნის წვენის კონცენტრატის მწარმოებელ საწარმოს შექმნის. აღნიშნული მიმართულებით კომპანია 273 800 ლარის ინვესტიციას განახორციელებს და დამატებით 50 ადამიანს დაასაქმებს. კომპანია უკვე არსებული საოჯახო ტიპის წარმოების გადაიარაღებას და ახალ საწარმოში გადატანას გეგმავს. ახალი საწარმოს საშუალებით „ნუგბარი“ ჩურჩხელების წარმოების გაზრდას და უფრო მეტი პროდუქციის ექსპორტირებას შეძლებს. 

შპს „ნუგბარი“ 2015 წელს დაარსდა და იგი ტრადიციული კახურ ჩურჩხელებს აწარმოებს. კომპანიას გააჩნია 300–მდე მაღაზია მთელი საქართველოს მასშტაბით და მის ძირითად მიმართულებას გრძელვადიანი შენახვის შეფუთული ჩურჩხელების წარმოება წარმოადგენს. 

ბიზნესის ხელშეწყობის მიზნით საქართველოს ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნულმა სააგენტომ შპს „ნუგბარს“ სახელმწიფო პროგრამა „აწარმოე საქართველოში“ ფარგლებში,  სიღნაღის მუნიციპალიტეტში, სოფელ საქობოში მდებარე 4 870 კვ.მ. არასასოფლო-სამეურნეო დანიშნულების მიწის ნაკვეთი და მასზე მდებარე შენობა-ნაგებობა გადასცა.

შეგახსენებთ, რომ „აწარმოე საქართველოში“ პროექტის ფარგლებში, 2014 წლიდან დღემდე მხარდაჭერილია 355 პროექტი,  რომელთა ჯამური ინვესტიციის მოცულობა 870 მლნ ლარზე მეტია. აღნიშნული პროექტებით ჯამში  14 000- ზე მეტი ახალი სამუშაო ადგილი შეიქმნება.

სამკურნალო ტურიზმის  განვითარების მიზნით პროექტი „50 ქონება შენი სასტუმროსთვის“ ფარგლებში საქართველოს ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნულმა სააგენტომ პირობიან ელექტრონულ აუქციონზე რეკრეაციულ–საკურორტო ზონაში სახელმწიფოს საკუთრებაში არსებული 5140 კვ.მ. მიწის ნაკვეთი 70 000 ლარად გაიყიდა.

საპრივატიზებო პირობის მიხედვით მყიდველი აღნიშნულ უძრავ ქონებაზე სასტუმრო კომპლექსს  ააშენებს, რომელიც როგორც ადგილობრივ ასევე უცხოელ სტუმრებს უმასპინძლებს. აღსანიშნავია, რომ პროექტის ფარგლებში ეს უკვე რიგით მესამე სასტუმრო იქნება, რომელიც დაბა სურამში აშენდება.   

შეგახსენებთ, რომ პროექტი „50 ქონება შენი სასტუმროსათვის ფარგლებში“ ჯამში უკვე გაყიდულია 51 მილიონ ლარზე მეტი ღირებულების უძრავი ქონება, ხოლო სასტუმროების ასაშენებლად განსახორციელებელი ინვესტიციის მოცულობა 107 მილიონ ლარს აჭარბებს.

სამთავრობო პროგრამა „აწარმოე საქართველოში“  ბენეფიციარი შპს „ქოჩკაბლო“, რომელიც ქ.თბილისში, საქნავთობის დასახლებაში სახელმწიფოს მიერ გადაცემულ უძრავ ქონებაზე სპილენძისა და ალუმინის მწარმოებელ საწარმოს აშენებს, რისთვისაც 3 მილიონ ლარზე მეტი ინვესტიციის განხორციელებას გეგმავს, ფართოვდება და  მომიჯნავედ არსებულ 22 206 კვ.მ. მიწის ნაკვეთს სახელმწიფოსგან 1 605 000 ლარად აუქციონზე ყიდულობს.  ახალი  საწარმო დამატებით 50-ზე მეტ სამუშაო ადგილს შექმნის და თავის საქმიანობას მსოფლიოში არსებული უახლესი ტექნოლოგიის გამოყენებით განახორციელებს, რაც უზრუნველყოფს სრულად ავტომატიზებულ წარმოებასა და დაბალ საწარმოო ფასს.

შეგახსენებთ, რომ 2018 წელს საქართველოს ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნულმა სააგენტომ სამთავრობო პროგრამა „აწარმოე საქართველოში“ ფარგლებში შპს „ქოჩკაბლოს“, ქალაქ თბილისში, სამრეწველო ზონაში, ჭირნახულის ქუჩაზე მდებარე 9502 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული შენობა–ნაგებობა საინვესტიციო ვალდებულებით, საწარმოს ასაშენებლად  გადასცა.

პროექტი „50 ქონება შენი სასტუმროსათვის“ ფარგლებში ყვარელში,  ილიას  ტბის  მიმდებარედ   40 ნომრის მქონე სასტუმრო კომპლექსი აშენდება. სასტუმროს მოსაწყობად ინვესტორი სულ მცირე 5 000 000 ლარის ინვესტიციას განახორციელებს და 40 ადამიანს დაასაქმებს.

ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნულმა სააგენტომ პირობიან ელექტრონულ აუქციონზე  152 000 ლარად ყვარელში,  ილიას  ტბის  მიმდებარედ   არსებული 29 962  კვ.მ უძრავი ქონება გაყიდა. 

შეგახსენებთ, რომ პროექტი „50 ქონება შენი სასტუმროსთვის“  ფარგლებში უკვე გაყიდულია 50 მილიონ ლარზე მეტი ღირებულების უძრავი ქონება, ხოლო სასტუმროების ასაშენებლად განსახორციელებელი ინვესტიციის მოცულობა 100 მილიონ ლარზე მეტს შეადგენს.

სახელმწიფო საწარმოების მინიმალიზაციის პროექტის ფარგლებში, შპს ,,აკადემიკოს ე. ფიფიას  სახელობის სახალხო კლინიკური  საავადმყოფოს“  სახელმწიფოს საკუთრებაში არსებული 100%-იანი წილი საქართველოს ეკონომიკისა და მდგრადი განვითარების სამინისტროს სსიპ „სახელმწიფო ქონების ეროვნულმა სააგენტომ“ პირობიან ელექტრონულ აუქციონზე 430 000 ლარად გაყიდა.

აუქციონის პირობის მიხედვით მყიდველი ვალდებულია საწარმოს  კუთვნილ უძრავ ქონებაზე  სულ მცირე 10 წლის განმავლობაში  უზრუნველყოს სამედიცინო პროფილით  ფუნქციონირება და კლინიკაში ამჟამად  დასაქმებული პერსონალის არანაკლებ 80%-თან შეინარჩუნოს შრომითი ხელშეკრულებები.

სააგენტო მომავალშიც გააგრძელებს სახელმწიფოს მონაწილეობით შექმნილი საწარმოების რაოდენობის ოპტიმიზაცია-მინიმიზაციის პროცესს.

„აწარმოე საქართველოში“ პროექტის ფარგლებში, ქუთაისში თანამედროვე ტექნოლოგიებით აღჭურვილი არაძვირფასი ლითონების საწარმო გაიხსნება. საწარმოში 3 932 000 ლარის ინვესტიცია განხორციელდება და 80 ადამიანი დასაქმდება.

საწარმო რკინეულობის პირველადი ნედლეულისაგან მაღალტექნოლოგიური დამუშავების შედეგად მავთულის სხვადასხვა სახეობასა და მისგან მეორადი დამუშავებით მიღებულ სხვადასხვა მზა პროდუქციას აწარმოებს. საწარმო წლიურად ნახშირბადიანი ფოლადისაგან 8 520 ტონა, 900 ტონა ეკლიან, 1 920 ტონა მავთულის ბადეს და 960 ტონა ლურსმანს დაამზადებს. აღნიშნული პროდუქციის რეალიზაცია როგორც ადგილობრივ, ასევე საექსპორტო ბაზარზე, კერძოდ აზერბაიჯანსა და სომხეთში  განხორციელდება.

საქართველოს ეკონომიკისა და მდგრადი განვითარების სამინისტროს სსიპ – სახელმწიფო ქონების ეროვნულმა სააგენტომ  სახელმწიფო პროგრამის „აწარმოე საქართველოში“ ფარგლებში სახელმწიფო საკუთრებაში არსებული, ქალაქ ქუთაისში, სულხან-საბას გამზირზე, #7-ში მდებარე 14 152 კვ.მ. არასასოფლო-სამეურნეო დანიშნულების მიწის ნაკვეთი და მასზე მდებარე შენობა-ნაგებობა შპს „ჯეომეტალს“ გადასცა.

შეგახსენებთ, რომ 2018 წლის თებერვლის თვის მონაცემებით პროგრამის „აწარმოე საქართველოში“, კერძოდ ინდუსტრიული, სოფლის მეურნეობის, სასტუმროს და ქონების გადაცემის კომპონენტის ფარგლებში მხარდაჭერილია 337 პროექტი, ინვესტიციის ჯამური მოცულობა 820 მლნ ლარს აღემატება, ხოლო დასაქმებულთა რაოდენობა 13 500-ზე მეტს შეადგენს.