თბილისის ერთ–ერთ ისტორიულ და ტურისტულად დატვირთულ ნაწილში, გ. ახვლედიანის ქუჩა N22-ში მდებარე  1269 კვ.მ მიწის ნაკვეთი და მასზე განთავსებული შენობა-ნაგებობები პირობებიან ელექტრონულ აუქციონზე სასტუმრო-ინფრასტრუქტურის მოწყობის მიზნით იყიდება.  ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნული სააგენტო იწვევს ყველა დაინტერესებულ პირს საჯარო აუქციონში მონაწილეობის მისაღებად.

აუქციონის პირობების მიხედვით მყიდველი ვალდებულია უძრავ ქონებაზე განახორციელოს სულ მცირე 600 000 ლარის ინვესტიცია და არანაკლებ 100 ნომრიანი სასტუმროს მშენებლობა.  აუქციონში გამარჯვებულმა ასევე უნდა უზრუნველყოს სსიპ ,,თბილისის  სახელმწიფო სამედიცინო უნივერსიტეტისთვის” ვაჟა-ფშაველას გამზირ N33-ში მდებარე მიწის ნაკვეთზე არანაკლებ 2 900  კვ.მ. საერთო ფართობის მქონე  შენობა-ნაგებობის აშენება და კეთილმოწყობა, რისთვისაც მინიმუმ 2 630 000 ლარის ინვესტიციას განახორციელებს.

აუქციონის შესახებ დეტალური ინფორმაცია ხელმისაწვდომია ბმულზე https://www.eauction.ge/Home/EntityView/418272