შპს „ჯეოჩემი“ თბილისში წებოებისა და საღებავების მწარმოებელ საწარმოს გახსნის. კომპანია 2 445 168 ლარის ინვესტიციას განახორციელებს და 40 ადამიანს დაასაქმებს. საწარმო გამოუშვებს ცემენტისა და ბეტონის დანამატებს, სხვადასხვა სახის წებოებს, წყალგაუმტარ ემულსირებულ ბიტუმს, ავტომობილის ანტიფრიზს და პლასტმასის კონტეინერებს.  

შპს „ჯეოჩემ“–ს საქართველოს ეკონომიკისა და მდგრადი განვითარების სამინისტროს სსიპ – სახელმწიფო ქონების ეროვნულმა სააგენტომ სამთავრობო პროგრამა „აწარმოე საქართველოში“ ფარგლებში ქალაქ თბილისში, ქინძმარაულის ქუჩა #33-ში მდებარე 4 022 კვ.მ. უძრავი ქონება გადასცა.