საქართველოს ეკონომიკისა და მდგრადი განვითარების სამინისტრო სსიპ - სახელმწიფო ქონების ეროვნულმა სააგენტომ შპს „იწის წყალს“,სახელმწიფოს საკუთრებაში არსებული ქალაქ ამბროლაურში, გურგენიძის ქუჩა #18 - ის მიმდებარედ 7288.00 კვ.მ. არასასოფლო-სამეურნეო დანიშნულების მიწის ნაკვეთი გადასცა.

კომპანია აღნიშნულ უძრავ ქონებაზე არაალკოჰოლური სასმელების მწარმოებელ საწარმოს ააშენებს. საწარმოს ფუნქციონირების დასაწყებად შპს „იწის წყალი“ 233 200 ლარის ინვესტიციასგანხორციელებს და 30 ადამიანს დაასაქმებს.

აღნიშნული საწარმო ყოველწლიურად 5 მილიონი ლიტრის ოდენობის მინერალური და მტკნარი წყლის წარმოებას შეძლებს, პროდუქციის ძირითადი ნაწილი კი ექსპორტზე გაიყიდება.

ამასთან, აღსანიშნავია რომ სახელმწიფო პროგრამის ,,აწარმოე საქართველოში“ ფარგლებში ჯამში უკვე 186 საწარმოს დაეჭირა მხარი, მათ შორის სამეგრელო-ზემო-სვანეთის რეგიონში 19 კომპანიას. ინვესტიციის ჯამური მოცულობა 407 მილიონ ლარს აჭარბებს და 8050-ზე მეტი ადამიანის დასაქმებას ითვალისწინებს.

შპს „კონსტრაქტ ვიჟენი“ მინა-პლასტიკის ნაკეთობების საწარმოს შექმნის რისთვისაც არანაკლებ 700 000 ლარის ინვესტიციას განახორციელებს. საქმიანობის ხელშესაწყობად საქართველოს ეკონომიკისა და მდგრადი განვითარებისსამინისტროს სსიპ - სახელმწიფო ქონების ეროვნულმა სააგენტომ შპს „კონსტრაქტ ვიჟენს“ თბილისში, დიდი ლილოს დასახლებაში მდებარე 12902.00 კვ.მ. მიწის ნაკვეთი და უძრავი ქონება 326 000 ლარად საკუთრებაში გადასცა.

მინა-პლასტიკის საწარმოში მინიმუმ 70 ადამიანი დასაქმდება, მათ შორის 20 ნაკლებად მძიმე დანაშაულისათვის ნასამართლეობის მქონე პირი.

საქართველოს ეკონომიკისა და მდგრადი განვითარების სამინისტროს სსიპ „სახელმწიფო ქონების ეროვნულმა სააგენტომ“ შპს „ლუკა 2010“-ს 79 980 კვ.მ. მიწის ნაკვეთი 25 წლის ვადით დროებით სარგებლობაში გადასცა. აღნიშნული მიწის ნაკვეთი კომპანიას ჩაის პლანტაციების რეაბილიტაციის სახელმწიფო პროგრამის „ქართული ჩაის“ ფარგლებში გადაეცა. სასოფლო–სამეურნეო მიწის ნაკვეთის წლიური საიჯარო ქირა 400 ლარს შეადგენს.

ასევე, პროექტის ფარგლებში შპს „ლუკა 2010“-ს სოფლის მეურნეობის პროექტების მართვის სააგენტო ჩაის სარეაბილიტაციო სამუშაოების ღირებულების 70% დაუფინანსებს.

ჩაის პლანტაციების რეაბილიტაციის სახელმწიფო პროგრამა მიზნად ისახავს როგორც კერძო, ასევე სახელმწიფო საკუთრებაში არსებული გაველურებული ჩაის პლანტაციების რეაბილიტაციას, საქართველოში არსებული ჩაის პლანტაციების პოტენციალის ეფექტურად გამოყენებას, ქართული ჩაის საექსპორტო პოტენციალის გაზრდას და რეგიონში მოსახლეობის დასაქმებას.

საქართველოს ეკონომიკისა და მდგრადი განვითარების სამინისტროს სსიპ „სახელმწიფო ქონების ეროვნულმა სააგენტომ“ ქალაქ წყალტუბოში, რუსთაველის ქუჩა N8-ში მდებარე ყოფილი სანატორიუმი „ცისკარი“ 150 ათასი ლარად საინვესტიციო პირობებით შპს „ნითას“ საკუთრებაში გადასცა.

საინვესტიციო პირობების მიხედვით აღნიშნულ უძრავ ქონებაზე სულ მცირე 50 ნომრიანი თანამედროვე სტანდარტების შესაბამისი სასტუმრო კომპლექსი განთავსდება.

ასევე, შპს „ნითა“ უზრუნველყოფს სასტუმროს ტერიტორიის კეთილმოწყობას და არანაკლებ 20ავტომობილზე გათვლილი ავტოსადგომისმშენებლობას. კომპანია სასტუმრო კომპლექსის მშენებლობის და შესაბამისი ინფრასტრუქტურის მოწყობისთვის ჯამში არანაკლებ5 000 000 ლარის ინვესტიციასგანახორციელებს.

პროექტის განხორციელება ხელს შეუწყობს ადგილობრივი მოსახლეობის დასაქმებას და წყალტუბოს ტურისტული პოტენციალის განვითარებას.

კოოპერატივი „თაფლი საჩინო“ ქალაქ ვანში 60 000 ლარის ინვესტიციას განახორციელებს და თაფლის გადამამუშავებელ საწარმოს შექმნის. პროექტის განსახორციელებლად ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნულმა სააგენტომ კოოპერატივს ქალაქ ვანში, რუსთაველის ქუჩა N22-ში მდებარე 674 კვ.მ. უძრავი ქონება და მიწის ნაკვეთი 5 000 ლარად საკუთრებაში გადასცა. საწარმოს ყოველდღიურად 4 ტონა თაფლის გადამუშავების შესაძლებლობა ექნება. ასევე, შეიქმნება 10 სამუშაო ადგილი.

დღეის მდგომარეობით კოოპერატივი ფლობს 1500 ოჯახ ფუტკარს, რომლისგან მიღებული თაფლის გადამუშავება სამომავლოდ ზემოაღნიშნულ საწარმოში იგეგმება. „კოოპერატივი თაფლი საჩინო“ 5 კოოპერატივის გაერთიანებას წარმოადგენს, სადაც მეპაიეთა რაოდენობა ჯამში 51 წევრს შეადგენს. უახლოეს პერიოდში დაგეგმილია კოოპერატივის მეპაე წევრების 70 წევრამდე გაზრდა.

სტიქიური მოვლენების შედეგად დაზარალებულ 71 ოჯახსსაქართველოს ეკონომიკისა და მდგრადი განვითარების სამინისტროს სსიპ „სახელმწიფო ქონების ეროვნული სააგენტო“ სახელმწიფო საკუთრებაში არსებულ უძრავ ქონებას სიმბოლურ ფასად – 1 ლარად გადასცემს.

ქ. თბილისში (ელდარის ქუჩა), წალკის, თეთრიწყაროს, ახმეტის, ლაგოდეხის, სიღნაღის, ყვარელის და გურჯაანის მუნიციპალიტეტებში მდებარე 97 ერთეულისაკარმიდამო მიწის ნაკვეთები და მასზედ განთავსებული საცხოვრებელი შენობები 71 ეკომიგრანტ ოჯახსპირდაპირიმიყიდვისფორმით, სიმბოლურფასად- 1 ლარად საკუთრებაში გადაეცემა.

აღნიშნული ემსახურება სახელმწიფოს მხრიდან სტიქიური მოვლენების შედეგად დაზარალებულ და იძულებით გადაადგილებული ოჯახების მიმართ სათანადო საცხოვრებლით უზრუნველყოფის შესახებ აღებული ვალდებულების შესრულებას. გაცნობებთ, რომ უკვე 302 ეკომიგრანტ ოჯახს დაუკანონდა საცხოვრებელი ფართი, ამასთან, 261 ეკომიგრანტი ოჯახისთვის შეძენილია სახლები.

გარდაბანში, სოფელ მარტყოფში ბიტუმოვანი ნივთიერებების მწარმოებელი საწარმო შეიქმნება. საწარმოს შექმნის და წარმოების დაწყების მიზნით 321 728 ლარის ინვესტიცია განხორციელდება. საწარმო ყოველწლიურად არანაკლებ 1000 ტონა ბიტუმოვან ნარევს გამოუშვებს. საწარმოში პირველ ეტაპზე 10 ადამიანი დასაქმდება.

საქართველოს ეკონომიკისა და მდგრადი განვითარების სამინისტროს სსიპ „სახელმწიფო ქონების ეროვნულმა სააგენტომ“ შპს „ჯორჯიან ინდასთრის“ ბიტუმოვანი ნივთიერებების მწარმოებელი საწარმოს გახსნის მიზნით სახელმწიფოს საკუთრებაში გარდაბანში, სოფელ მარტყოფში მდებარე 10 054 კვ.მ. არასასოფლო-სამეურნეო დანიშნულების მიწი ნაკვეთი გადასცა.

გაცნობებთ, რომ საქართველოს მთავრობამ სახელმწიფო პროგრამის „აწარმოე საქართველოში“ ფარგლებში ჯამში უკვე 177 საწარმოს დაუჭირა მხარი. ინვესტიციის ჯამური მოცულობა 380 მილიონ ლარს აჭარბებს და 7700-ზე მეტი ადამიანის დასაქმებას ითვალისწინებს.

სენაკის რაიონის სოფელ გეჯეთში არსებული შპს „გეჯეთის თევზი“, რომლის 100%-იან წილსაც ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნული სააგენტო ფლობს პირობიან ელექტრონულ აუქციონზე იყიდება. აუქციონის პირობების მიხედვით ობიექტზე მინიმუმ 1 000 000 ლარის ინვესტიცია უნდა განხორციელდეს. ასევე, ინვესტორი ვალდებულია უზრუნველყოს თევზის გადამამუშავებელი ქარხნის და სამაცივრე მეურნეობის შექმნა.

შპს „გეჯეთის თევზის“ სახელმწიფო საკუთრებაში არსებული 100%–იანი წილის საწყისი საპრივატიზებო საფასური 52 000 ლარს შეადგენს და აუქციონი პირველ ივლისს დასრულდება.

2012 წელს სახელმწიფო საწარმოთა რაოდენობა 490-ს უტოლდებოდა. ოპტიმიზაციის გეგმის ეფექტურად განხორციელების, მათ შორის გარკვეული საწარმოების პრივატიზების შედეგად, სააგენტომ საწარმოების რაოდენობა 331-ით შეამცირა. ამჟამად სახელმწიფოს მართვაში 159 საწარმოა. სააგენტო მომავალშიც აქტიურად გააგრძელებს სახელმწიფო საწარმოების კერძო სექტორში გადატანის პროცესს.

საქართველოს ეკონომიკისა და მდგრადი განვითარების სამინისტროს სსიპ „სახელმწიფო ქონების ეროვნულმა სააგენტომ შპს „ბესტ გრუპს“ საინვესტიციო ვალდებულებით 113 000 ლარად დუშეთის მუნიციპალიტეტში, სოფელ ბაზალეთში მდებარე 1249.00 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები საკუთრებაში გადასცა. უძრავ ქონებაზე თანამედროვე სტანდარტების შესაბამისი სასტუმრო კომპლექსი მოეწყობა.

საინვესტიციო პირობების მიხედვით აღნიშნულ ტერიტორიაზე ინვესტორი 10 ნომრიან სასტუმროს განათავსებს, რომელიც უზრუნველყოფილი იქნება ადმინისტრაციული შენობით, საკონფერენციო და ფიტნეს დარბაზებით. ამასთან, შპს „ბესტ გრუპი“ მის საკუთრებაში, ბაზალეთის ტბის მიმდებარე ტერიტორიაზე, არსებულ უძრავ ქონებაზე 14 ნომრიანი სასტუმროს ფუნქციონირების დაწყების ვალდებულებასაც იღებს.

კომპანია ჯამში არანაკლებ 170 000 ლარის ინვესტიციას განახორციელებს. პროექტი ხელს შეუწყობს ბაზალეთის ტბის მიმდებარედ ტურიზმის განვითარებას.

საქართველოს ეკონომიკისა და მდგრადი განვითარების სამინისტროს სსიპ „სახელმწიფო ქონების ეროვნული სააგენტოს“ მიერზუგდიდში ჯანაშიას ქუჩაზე მდებარე 11 474.00 კვ.მ. არასასოფლო-სამეურნეო დანიშნულების მიწის ნაკვეთზე გამოცხადებულ პირობიან აუქციონში გამარჯვებულად შპს „ბი ემ სი გორგია“გამოვლინდა. აღნიშულ ქონებაზე კომპანია სასაწყობო-ლოჯისტიკურ ცენტრს მოაწყობს, რისთვისაც არანაკლებ 600 000 ლარის ინვესტიციას განახორციელებს.

სახელმწიფო ქონების ეროვნულმა სააგენტომ ელექტრონული აუქციონი 2015 წლის 17 მაისს გამოაცხადა. აუქციონი გასაყიდად გამოტანილი იყო ქალაქ ზუგდიდში, ჯანაშიას ქუჩაზე მდებარე 11 474.00 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული N1 და N2 შენობა-ნაგებობა. უძრავი ქონების საწყისი ფასი 450 000 ლარს შეადგენდა და ელექტრონულ აუქციონში მონაწილეობის მიღება ყველა დაინტერესებულ პირს შეეძლო. საბოლოოდ ობიექტი 452 000 ლარად გაიყიდა.

შპს „ბი ემ სი გორგია“ ქართულ ბაზარზე სამშენებლო-სარემონტო მასალების რეალიზაციას ახორციელებს და მომხმარებელს 30 000-მდე დასახელების სხვადასხვა სამშენებლო პროდუქტს სთავაზობს. რეგიონული ქსელის განვითარების გეგმის ფარგლებში „გორგია“ რიგით მეოთხე ფილიალს სოფელ რუხში მშენებარე სავაჭრო ცენტრში ხსნის. სასაწყობო-ლოჯისტიკურ ცენტრს კომპანია ახალი ფილიალის ეფექტური ფუნქციონირების უზრუნველსაყოფად და სამშენებლო-სარემონტო მასალების მარაგების უკეთ სამართავად გამოიყენებს. აღნიშნული პროექტი ხელს შეუწყობს რეგიონში ბიზნესის განვითარებას და დასაქმებას.

ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნული სააგენტო აგრძელებს იმ საწარმოთა რაოდენობის ოპტიმიზაცია- მინიმიზაციის პროცესს, რომლებიც ფინანსურად მძიმე მდგომარეობაში იმყოფებიან.

სახელმწიფო მართვაში არსებული საწარმოები, რომლებიც ამ ეტაპზე არ ფუნქციონირებენ და არ ეწევიან სამეწარმეო საქმიანობას ექვემდებარებიან შერწყმას, ლიკვიდაციას, გაკოტრებას და წილის პრივატიზებას.

2012 წელს სახელმწიფო საწარმოთა რაოდენობა 490-ს უტოლდებოდა. ოპტიმიზაციის გეგმის ეფექტურად განხორციელების, მათ შორის გარკვეული საწარმოების პრივატიზების შედეგად, სააგენტომ უმოქმედო საწარმოების რაოდენობა 319-ით შეამცირა. ამჟამად სახელმწიფოს მართვაში 171 საწარმოა.

სააგენტო მომავალშიც აქტიურად გააგრძელებს სახელმწიფო საწარმოების რაოდენობის ოპტიმიზაციის პროცესს, რათა მოკლევადიან პერიოდში უმოქმედო საწარმოთა რიცხვი კიდევ უფრო შემცირდეს.