გერმანიის საგარეო საქმეთა ფედერალური მინისტრის დოქტორ ფრანკ-ვალტერ შტაინმაიერის ვიზიტის ფარგლებში, გერმანულმა და ქართულმა მხარეებმა ხელშეკრულება  გააფორმეს.

 ხელშეკრულების საფუძველზე, საქართველოს მთავრობამ თბილისის გერმანულ საერთაშორისო სკოლას საკუთრებაში მიწის ნაკვეთი გადასცა, სადაც სკოლის ახალი შენობა აშენდება.

შეთანხმებას ხელი   გერმანიისა და საქართველოს საგარეო საქმეთა მინისტრების თანდასწრებით სახელმწიფო ქონების ეროვნული სააგენტოს თავმჯდომარის მოადგილე  ეკატერინე დანელიამ მოაწერა. შეხვედრა საგარეო საქმეთა სამინისტროში გაიმართა.

გერმანიის საგარეო საქმეთა მინისტრმა დადებითად შეაფასა გერმანული საერთაშორისო სკოლისთვის მიწის გადაცემა ორ ქვეყანას შორის მჭიდრო საგანმანათლებო ურთიერთობის თვალსაზრისით.

სააგენტოს მომსახურების რეგიონულ ცენტრებში საინფორმაციო მონიტორები დამონტაჟდება. მონიტორების მეშვეობით მოქალაქეები შემდეგი სახის ინფორმაციას გაეცნობიან:

სააგენტოს ვებ-გვერდზე, შეთავაზებების მოდულში არსებული საპრივატიზებოდ გამოტანილი ქონებები რეგიონების მიხედვით; 
· სახელმწიფო პროგრამისათვის „აწარმოე საქართველოში“ იდენტიფიცირებული ქონებები; 
· სააგენტოს სარეკლამო ვიდეო რგოლი, რომლის მიზანია ლოკალურ დონეზე საპრივატიზებო ქონებების შესახებ მოსახლეობისთვის ინფორმაციის მიწოდება. 
მონიტორი უკვე დამონტაჟდა სამცხე-ჯავახეთის მომსახურების ცენტრში. მსგავსი მონიტორების დამონტაჟება ეტაპობრივად სააგენტოს ყველა მომსახურების ცენტრში განხორციელდება. 
მონიტორებზე განსათავსებელი ინფორმაცია მუდმივად განახლდება სააგენტოს მარკეტინგისა და საზოგადოებასთან ურთიერთობის სამსახურის მიერ.

2014 წლის 15 სექტემბერს სახელმწიფო ქონების ეროვნული სააგენტოს თანამშრომლებს საქმისწარმოების ვადებთან დაკავშირებით ტრენინგი ჩაუტარდათ. 
ტრენინგი მიზნად ისახავდა პრაქტიკულ მაგალითებზე დაყრდნობით თანამშრომლების ინფორმირებას, ვადის მნიშვნელობისა და საქმისწარმოების ვადის დაცვით განხორციელების სამართლებრივი შედეგების შესახებ. 
სატრენინგო კურსი ითვალისწინებს თანამშრომელთა ტესტირებას საქმისწარმოების ვადების მარეგულირებელი ნორმატიული აქტების ცოდნის შეფასების მიზნით. ტრენინგს 180 თანამშრომელი ესწრებოდა. აღნიშნული ტრენინგი გააუმჯობესებს სააგენტოში შემოსულ კორესპონდენციაზე თანამშრომლების მხრიდან დროულად და ვადების დაცვით რეაგირებას და ინფორმაციის მიწოდებას დაინტერესებული პირებისთვის.

დღეიდან სახელმწიფო ქონების ეროვნული სააგენტოს სერვისების მომხმარებლები საქმისწარმოების შესახებ ინფორმაციას სმს შეტყობინების სახით მიიღებენ. 
ოპერატორის მიერ წერილის გატარების და რეგისტრაციის ღილაკზე დაჭერისთანავე მოქალაქესთან ავტომატურად მივა სმს შეტყობინება მისი განაცხადის წარმოებაში მიღების შესახებ. მომხმარებელი შეტყობინებას მიიღებს შემდეგ შემთხვევებშიც: 

· განაცხადის რეგისტრაციის დროს; 
· განაცხადზე ხარვეზის დადგენის და განხილვის ვადის შეჩერების შემთხვევაში; 
· წერილის განხილვის ვადის გაგრძელების შემთხვევაში; 
· გადაწყვეტილების მომზადების შემთხვევაში; 
· წერილის ჩამოწერის შემთხვევაში. 

სააგენტოში აღნიშნული სიახლის დასანერგად საჯარო რეესტრის ეროვნულ სააგენტოსთან ერთობლივად იმუშავეს საინფორმაციო და დისტანციური მომსახურების, დაგეგმვისა და კონტროლის და კორესპონდენციის მართვის სამსახურის თანამშრომლებმა.

27 ოქტომბერს, მარკეტინგისა და საზოგადოებასთან ურთიერთობის სამსახურმა პროექტის „სოფლიდან გაუსვლელად“ ფარგლებში საკომუნიკაციო კამპანიის განხორციელების მიზნით აბაშის რაიონში სარეკლამო ბუკლეტები გაავრცელა. ინფორმაციას აუქციონის შესახებ ლოკალურ დონეზე შეიტყობს ობიექტის ირგვლივ მდებარი სოფლებში მაცხოვრებელი 4000 - მდე ადამიანი, რაც www.eauction.ge-ზე მსგავსი ტიპის აუქციონის ნახვების საშუალო რაოდენობაზე 20-ჯერ მეტია. 

· გაღმა კოდორი; 
· კეთილარი; 
· გულეიკარი; 
· გამოღმა კოდორი; 
· პირველი ეწერი; 
· მეორე ეწერი; 
· ნაესკაო; 
· სუჯუნა; 

რაიონში გამოცხადებული სასოფლო-სამეურნეო დანიშნულების მიწის აუქციონი 2 357 040 კვ.მ ფართობს შეადგენს და ერთ ლოტად არის გამოცხადებული . 
საინფორმაციო ბუკლეტების გავრცელებაში მარკეტინგისა და საზოგადოების სამსახურს საქართველოს ფოსტა უწევს დახმარებას, რომელიც უზრუნველყოფს ჩამოთვლილ სოფლებში ბუკლეტების ჩატანას და ადგილზე გავრცელებას. 
აღნიშნული კამპანია ხელს შეუწყობს ინფორმაციის ეფექტურ გავრცელებას სააგენტოს განსაკარგავი ობიექტების შესახებ. ასევე, ამაღლდება მოსახლეობის ცნობიერების დონე სახელმწიფო ქონების პრივატიზებასთან და სარგებლობის უფლებით გადაცემასთან დაკავშირებით.

19 აგვისტოს, სსიპ სახელმწიფო ქონების ეროვნული სააგენტოსა და საქართველოს ეკონომიკისა და მდგრადი განვითარების სამინისტროს თანამშრომლებმა სისხლის ჩაბარების აქციაში მიიღეს მონაწილეობა. მათ უანგაროდ გაიღეს სისხლი, რითიც თანადგომა გამოხტეს იმ ადამიანების მიმართ, რომელთაც დახმარება სჭირდებათ. აღნიშნული აქცია თბილისის სისხლის გადასხმის საქალაქო სადგურის მხარდაჭერით განხორციელდა. 

შპს "სისხლის გადასხმის საქალაქო სადგური" (სისხლის ბანკი) საქართველოში ერთ-ერთი წამყვანი სისხლის ბანკია, სადაც წარმოებს დონორული სისხლისაგან სისხლის კომპონენტების დამზადება და თბილისის კლინიკების სისხლით მომარაგება. უანგარო დონაციის ფარგლებში, თბილისის სისხლის გადასხმის საქალაქო სადგურის მობილურმა ჯგუფმა უწყების თანამშრომლებისათვის ადგილზე იმუშავა.

2014 წლის 1 აგვისტოს, საქართველოს ეკონომიკისა და მდგრადი განვითარების მინისტრის მოადგილემ ქეთევან ბოჭორიშვილმა ბრიფინგი გამართა, სადაც ისაუბრა  სამთავრობო პროგრამა „აწარმოე საქართველოში“ შესულ ცვლილებებზე, რომლის ინიცირება მთავრობის დადგენილებაში ბენეფიციართა რიცხვის გასაზრდელად განხორციელდა.

ცვლილებების თანახმად, მოიხსნა სესხის მოცულობის ზედა ზღვარი, რომელიც გახლდათ 2 მლნ აშშ დოლარი.  ასევე, მოხდება არა მხოლოდ დამწყები საწარმოების ხელშეწყობა, არამედ არსებული ბიზნესების გაფართოება.

დღეიდან  უკვე დაინტერესებულ მეწარმეებს შეეძლებათ მიმართონ ბანკს და ისარგებლონ სესხზე შეღავათიანი პირობებით, რათა მოახდინონ არსებული ბიზნესის გაფართოება ან გადაიარაღება. აღნიშნული აამაღლებს არსებული საწარმოების პროდუქტიულობას და მათ მიერ წარმოებული პროდუქციის კონკურენტუნარიანობას.